بلوچستان

بلوچستان
او وطن، منی زیبائیں وطن

او وطن
او منی زیبائیں وطن
په تئ واری ءﹶ ایمن کیئنت
تئ زیبائ ﹺء دژمن کیئنت؟

او وطن منی
او منی زیبائیں وطن
شاھگانیں تئ پٹ و گیابان
مرچاں تنک ، تنک انت
چیا په وتئ چکاں
مرچاں تنک ، تنک انت
تئ وش کش و سپائیں گوات ھم
بنی آدم کشیت نه کنت دم
تئ تها روستگیں ،نه انت آرام
دژمن ﹺء ﹸتن بوت ھوشام۔
کور بنت چم په برهداری ﹺءﹶ
مانبشانیت اگاں تھاری ءﹺ۔
او وطن
او منی زیبائیں وطن
ھر کس وشدلی و کیف و کباب
ھو ترا بےوسی و لٹ ﹺء ثواب۔
ھر کس ءﹶ بلور و تاس و تبک
ھو ترا نیست ، کاسگ ﹺء یک
مئے دل و ساه و جان ﹺء سودا انت
پرچا ﹸرژنﹺء چراگ بیگواه انت؟
او وطن
او منی زیبائیں وطن
مئے بے بنت، زھراگاں سروک ستر
ﹸستکگیں جون ﹺء ﹸبونه انت ھتر
ﹸدژمن ءﹶ، وش تواریں توپ بیبت
دل اۓشاں ساز و زیمل ﹺء نه گوشیت۔
من اے زاناں، که بے وساں انگت
راج مئے گون انت، سیاه دلاں انگت
ھچ بها نیست ، مئے سراں انگت
ھو من یلا نه دیاں ، واھگاں انگت
او وطن !
او منی زیبائیں وطن
ھر دمان بیر، مئے دلاں بات ﹶانت
مئے دل ﹺء بیر، مئےﹺسلاه بات ﹶانت۔
ماں دلءﹶ واھگ ﹺء، ﹶکل بیت تاں کد؟
دژمن تئ سرا، ﹶمل بیت تاں کد؟
اﹺے جھان جنگ ءﹶ په ﹶگل بیت تاں کد؟
دژمنی مھر ﹺء بدل بیت تاں کد؟
اﹺے که انسان ءﹶ دیر دیر کنت
تاں کدی لیکھاں گوٹ گیر کنت؟
ﹸنوں ایشاں وھد ،مه گیپت انت پرچا
دروشمے زند ءﹶ مه بیت انت پرچا؟
تاں کدئیں زھماں، کناں مئے سرا ﹺمک
تاں کدئیں ﹺکچ مبانت میر ﹺء شنک؟
جبزاھاں گیشتر بدسیم
تاں کدئیں چه وتی لوگ ءﹶ بے یکیم؟
پرچا کوھانی دلﹺء ، ٹپ، نه کود ﹶانت
پرچا سنگانی ﹺء سرا ، ﹸپل نه رود ﹶانت؟
او وطن!
او منی زیبائیں وطن۔


خان صابر
﴿جون ۱۹۷۸ ﴾ کراچی۔

0 نظرات: